水草情迷

我好好彩，初初學養草開左兩個缸，未有試過出現水白濁的情況。我用日本不知名水草泥，水用Amtra的Peat Granules事先最少浸一日，濾材冇乜特別，只係一般的生化棉。最初三幾日，每日換水一半，之後逐漸減少至四份一。期間輪流落兩隻硝化細菌，一隻叫TeSino(有溝水味的，水X店介紹)，另一隻係Amtra Clean(冇溝水味的)。一個星期之後逐步落草，都係揀最粗生的品種︰陽性缸落水羅蘭同鹿角苔，陰性缸落鹿角鐵皇冠。然後睇情況再加草同魚。
我都係摸下摸下，只係想拋磚引玉，有乜做錯做漏，希望各位前輩多多指正！